ພິທີເປີດຝຶກອົບຮົມວຽກງານໄອທີສອງບ້ານຈຸດສຸມ

         ໃນຄັ້ງວັນທີ 13 ກັນຍາ 2018 ທີ່ບ້ານໃຫຍ່ເຊກະໝານ ຫ້ອງການໄປສະນີ,ໂທລະຄົມມະນາຄົມ ແລະ ການສື່ສານໄດ້ເປີດພີທີຝຶກອົບຮົມວຽກງານໄອທີ ຄັ້ງທີ I ໃຫ້ແກ່ອຳນາດການປົກຄອງບ້ານ

Feuk2

       ໂດຍໃຫ້ກຽດເປັນປະທານ ແມ່ນ ທ່ານ ຄຳໝັ້ນ ສີສະໝຸດ ຮອງເລຂາພັກເມືອງ ຮອງເຈົ້າເມືອງ ແລະ ເປັນຜູ້ຊີ້ນຳວຽກງານເສດຖະກີດ, ທ່ານ ທິລະພົງ ຈັນທະລັງສີ ຫົວໜ້າຫ້ອງການ ປທສ ແລະ ທ່ານ ຖາວອນ ສີຊານົນ ເລຂາພັກບ້ານ ນາຍບ້ານໃຫຍ່ເຊກະໝານ. ການຝຶກອົບຮົມຄັ້ງນີ້ໄດ້ມີພະນັກງານຂັ້ນບ້ານເຂົ້າຮ່ວມ 12 ທ່ານ ແລະ ໃນວັນທີ 27 ກັນຍາ 2018 ທີ່ບ້ານໃຫຍ່ໝື່ນຫົວເມືອງ ໄດ້ເປີດພິທີຝຶກອົບຮົມວຽກງານໄອທີ ເຊັ່ນດຽວກັນ ໂດຍໃຫ້ກຽດເປັນປະທານແມ່ນ ທ່ານ ຄຳໝັ້ນ ສີສະໝຸດ ຮອງເລຂາພັກເມືອງ ຮອງເຈົ້າເມືອງ ແລະ ເປັນຜູ້ຊີ້ນຳວຽກງານເສດຖະກີດ, ທ່ານ ທິລະພົງ ຈັນທະລັງສີ ຫົວໜ້າຫ້ອງການ ປທສ. ແລະ ທ່ານ ບຸນດໍ ໄຊຍະສິດ ກຳມະການພັກເມືອງ ເລຂາພັກຮາກຖານບ້ານໃຫຍ່ໝື່ນຫົວເມືອງ ພ້ອມດ້ວຍອຳນາດການປົກຄອງບ້ານ ລວມທັງ 29 ທ່ານ, ຍິງ 8 ທ່ານ ເຊິ່ງໄດ້ຝຶກໃນຫົວຂໍ້ການນຳໃຊ້ຄອມພີວເຕີພື້ນຖານ ແລະ ການນຳໃຊ້ໂປຣແກຣມພິມເອກະສານໃນເບື້ອງຕົ້ນ(Microsoft Word)

Feuk1

   

   ຜ່ານການຝຶກອົບຮົມໃນໜຶ່ງວັນເຫັນໄດ້ວ່າ ນັກສຳມະນາກອນກໍໄດ້ເຫັນຄວາມສຳຄັນໃນການສຶກສາ ແລະ ນຳໃຊ້ຄອມພີວເຕີ ເຂົ້າມາຊ່ວຍໃນວຽກງານຂອງຕົນເອງໄດ້ງ່າຍຂຶ້ນ ເຊິ່ງເຫັນໄດ້ໃນຄວາມຕັ້ງໃຈ, ຕັ້ງຄຳຖານ ແລະ ສົນທະນາກັບວິທະຍາກອນ, ຜ່ານຕີລາຄາຈໃນການຖ່າຍ-ຮັບຄວາມຮູ້ໃນຄັ້ງນີ້ໄດ້ປະມານ 70% ເຊິ່ງໄດ້ຕາມເປົ້າໝາຍທີ່ຫ້ອງການ ປທສ. ໄດ້ກຳນົດໄວ້.