ພິທີ ບັ້ນເປີດຊຸດຝຶກອົບຮົມ ເກັບກຳສະພາບແນວຄິດ-ຫາງສຽງສັງຄົມ ຢູ່ຂັ້ນເມືອງ.

ພິທີ

ບັ້ນເປີດຊຸດຝຶກອົບຮົມ ເກັບກຳສະພາບແນວຄິດ-ຫາງສຽງສັງຄົມ ຢູ່ຂັ້ນເມືອງ.

ສຳລັບພະນັກງານຫຼັກແຫຼ່ງອ້ອມຂ້າງເມືອງ ແລະ ບ້ານເທດສະບານ.

         ວັນທີ 22-23 ສີງຫາ 2018 ນີ້ ຢູ່ສະໂມສອນຫ້ອງການບ້ານ ໃຫຍ່ເຊກະໝານ ໄດ້ຈັດພິທີເປີດບັ້ນຊຸດຝຶກອົບຮົມ ເກັບກຳສະພາບແນວຄິດ-ຫາງສຽງສັງຄົມ ຢູ່ຂັ້ນເມືອງ ໃຫ້ພະນັກງານຫຼັກແຫຼ່ງ ແລະ ຮອງເລຂາພັກບ້ານ ເທດສະບານ ເມືອງ ສາມັກຄີໄຊ ຂຶ້ນຢ່າງເປັນທາງການ. ພາຍໃຕ້ການເປັນປະທານຂອງ ທ່ານ ແກ້ວຫຼ້າ ສຸດທິຈັກ ຮອງເລຂາພັກເມືອງ, ປະທານກວດກາພັກ-ລັດເມືອງ, ທັງເປັນຄະນະຮັບຜິດຊອບເກັບກຳສະພາບແນວຄິດ-ຫາງສຽງສັງຄົມຂັ້ນເມືອງ ແລະ ມີບັນດາທ່ານ ຄະນະພັກເມືອງ, ເລຂາ-ຮອງເລຂາໜ່ວຍພັກອ້ອມຂ້າງເມືອງ, ຮອງເລຂາໜ່ວຍພັກບ້ານ ເທດສະບານ ຕະຫຼອດຮອດພະນັກງານ-ສະມາຊິກພັກ ຄະນະໂຄສະນາອົບຮົມເມືອງເຂົ້າຮ່ວມທັງໝົດ 37 ສະຫາຍ, ຍິງ 10 ສະຫາຍ.

         ໃນພິທີ ທ່ານ ນາງ ວົງວີໄລ ຫຼວງອາໄພ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ, ໄດ້ຂຶ້ນຜ່ານບົດລາຍງານ ເກັບກຳສະພາບແນວຄິດ-ຫາງສຽງສັງຄົມຂັ້ນເມືອງ ໂດຍສັງເຂບໃນໄລຍະຜ່ານມາ, ຜ່ານຄຳສັ່ງເລກທີ 04/ຄລສພ, ຄຳສັ່ງແນະນຳເລກທີ 08/ຄອສພ ໂດຍທ່ານໄດ້ຍົກໃຫ້ເຫັນເຖິງການຈັດຕັ້ງປະຕິບັດຝຶກອົບຮົມໃຫ້ພະນັກງານຫຼັກແຫຼ່ງ, ຜູ້ທີ່ເປັນຕາໜ່າງປະສານງານເກັບກຳສະພາບແນວຄິດ-ຫາງສຽງສັງຄົມ ໃນທົ່ວເມືອງ ໃຫ້ຮັບຮູ້, ເຂົ້າໃຈຢ່າງເລິກເຊິ່ງ, ກຳແໜັັນກ່ຽວກັບບັນດາເນື້ອໃນເອກະສານ 4 ບົດ ຄື: ( ບັນຫາພື້ນຖານກ່ຽວກັບວຽກງານຫາງສຽງສັງຄົມ, ວິທີເກັບກຳ ແລະ ນຳໃຊ້ຫາງສຽງສັງຄົມ, ວຽກງານຫາງສຽງສັງຄົມເຂົ້າໃນວຽກງານການເມືອງ-ແນວຄິດ ແລະ ວຽກງານສັງລວມ ).ແລ້ວນຳມາວິເຄາະ-ວິໄຈ, ວິທີສ່ອງແສງລາຍງານ ລວມທັງດ້ານດີ, ດ້ານອ່ອນ ທີ່ເກີດຂຶ້ນຢູ່ຂະແໜງການຂອງຕົນ ອ້ອມຂ້າງເມືອງ ແລະ ບ້ານ ເພື່ອສ່ອງແສງລາຍງານໃຫ້ຂັ້ນເທິງຢ່າງຖຶກຕ້ອງ, ຊັດເຈນ ເພື່ອເປັນຂໍ້ມູນນຳໄປຄົ້ນຄວ້າວາງທິດທາງ, ມາດຕະການແກ້ໄຂໃຫ້ສອດຄ່ອງ ແລະ ທັນເວລາ ນັບທັງເນື້ອໃນ ແລະ ແບບແຜນວິທີນຳພາ.

         ຂ່າວຍັງໃຫ້ຮູ້ຕື່ມອີກວ່າ: ພິທີຍັງໄດ້ຮັບຟັງການຜ່ານບົດລາຍງານກ່ຽວກັບເກັບກຳສະພາບແນວຄິດ-ຫາງສຽງ ສັງຄົມ ຂອງໜ່ວຍພັກ ປກສ ເມືອງ ຈາກທ່ານ ຂັນໄຊ ແກ້ວເນດ ຮອງເລຂາຄະນະພັກຮາກຖານ ປກສ ເມືອງ; ລາຍງານຈາກ ທ່ານ ນະໂມ ຫໍ້ກິນນະວົງ ຮອງເລຂາໜ່ວຍພັກຫ້ອງການຊັບພະຍາກອນທຳມະຊາດ ແລະ ສີ່ງແວດລ້ອມເມືອງ; ລາຍງານຈາກທ່ານ ສົມສັກ ອ່ອນທອງດີ ຮອງເລຂາໜ່ວຍພັກບ້ານ ໃຫຍ່ເຊກະໝານ ຄຸ້ມ 1 ແລະ ລາຍງານຈາກ ທ່ານ ນາງ ແກ້ວມະໄລ ກົມມະສິດ ຮອງເລຂາຄະນະພັກຮາກຖານ ຫ້ອງການສຶກສາທິການ ແລະ ກິລາເມືອງ.

8191a498 8dba 4646 b234 696392c3932c

           ສຸດທ້າຍ ທ່ານປະທານກອງປະຊຸມ ກໍ່ໄດ້ເນັ້ນໜັກຮຽກຮ້ອງໃຫ້ພະນັກງານຫຼັກແຫຼ່ງ ແລະ ບ້ານ ຜູ້ທີ່ເປັນ ຕາໜ່າງປະສານງານກ່ຽວກັບເກັບກຳສະພາບແນວຄິດ-ຫາງສຽງສັງຄົມ ໃນແຕ່ລະໜ່ວຍພັກຂອງຕົນດັ່ງນີ້:

  1. ກ່ອນອື່ນໝົດ ພາຍຫຼັງທີ່ສຳເລັດການຝຶກອົບຮົມນີ້ ພວກສະຫາຍ ຕ້ອງໄດ້ກຳແໜັ້ນ,ຕີຄວາມໝາຍໃຫ້ແຈ້ງ ຕໍ່ບັນດາເນື້ອໃນເອກະສານ 4 ບົດ ທີ່ໄດ້ຄົ້ນຄວ້າ,ເຊື່ອມຊືມຕະຫຼອດໄລຍະຂອງການຝຶກອົບຮົມ ເພື່ອເປັນພື້ນຖານທິດສະດີ, ເປັນບ່ອນອີງໃນການຈັດຕັ້ງປະຕິບັດຕົວຈີງໃນຕໍ່ໜ້າ.
  2. ຕ້ອງໄດ້ເອົາໃຈໃສ່ຢ່າງເປັນເຈົ້າການ ຊ່ວຍຄະນະພັກຂັ້ນເທິງໃນການຕິດຕາມ, ເກັບກຳສະພາບແນວຄິດ-ຫາງສຽງສັງຄົມ ທີ່ມີຕໍ່ການນຳພາຂອງພັກ ແລະ ການ ຄຸ້ມຄອງລັດ-ຄຸ້ມຄອງສັງຄົມ ໃຫ້ເລິກເຊິ່ງ; ເພີ່ມທະວີຄວາມຊັດເຈນໃນການອະທິບາຍ ຕອບແກ້ບັນຫາຕ່າງໆທີ່ສັງຄົມມີຄວາມສົນໃຈ; ຍົກລະດັບໃນຄວາມສາມາດໃນການຕອບແກ້ກົນອຸບາຍຫັນປ່ຽນໂດຍສັນຕິ ແລະ ການມ້າງເພທຳລາຍຂອງອິດທິກຳລັງປໍລະປັກຢ່າງທັນການ. ຕ້ອງເຂົ້າໃຈວ່າ: ‘‘ວຽກນີ້ບໍ່ແມ່ນວຽກຂອງຜູ້ໃດຜູ້ໜື່ງ, ບໍ່ແມ່ນວຽກຂອງໂຄສະນາອົບຮົມ ພຽງຢ່າງດຽວ ແຕ່ມັນແມ່ນຄວາມຮັບຜິດຊອບໂດຍກົງ ຂອງຄະນະພັກພວກເຮົາທຸກຂັ້ນ.’
  3. ສຳລັບຄະນະຮັບຜິດຊອບເກັບກຳສະພາບແນວຄິດ-ຫາງສຽງສັງຄົມຂັ້ນເມືອງ ຊຶ່ງໄດ້ຮັບການແຕ່ງຕັ້ງຈາກຄະນະປະຈຳພັກເມືອງ ຕ້ອງໄດ້ຄົ້ນຄວ້າຄືນ, ທຳຄວາມເຂົ້າໃຈກ່ຽວກັບພາລະບົດບາດ, ໜ້າທີ່ຂອງພວກສະ ຫາຍ ຊຶ່ງໄດ້ກຳນົດຈະແຈ້ງພໍສົມຄວນແລ້ວ; ສີ່ງສຳຄັນ ຕ້ອງໄດ້ເປີດກອງປະຊຸມປະສານຂ່າວຖ້າເປັນໄປໄດ້ ໃນແຕ່ລະເດືອນ ໃຫ້ເປັນປົກະຕິ ເພື່ອສະຫຼຸບ-ລາຍງານສະພາບການເຄັ່ງຮ້ອນ, ສະພາບຮີບດ່ວນ ຕໍ່ຄະນະພັກຂັ້ນເທິງຄົ້ນຄວ້າພິຈາລະນາແກ້ໄຂຢ່າງທັນການ. ມີແຕ່ກອງປະຊຸມເທົ່ານັ້ນ ຈີ່ງຈະເຮັດໃຫ້ບັນດາບັນຫາຕ່າງໆຂອງສັງຄົມ ເຂົ້າສູ່ສູນລວມແຫ່ງການນຳໃຊ້ສະຕິປັນຍາແກ້ໄຂໂດຍໄວ.
  4. ຕ້ອງໄດ້ຄົ້ນຄວ້າ, ກໍາແໜ້ນ, ກ່ຽວກັບຄໍາສັ່ງເລກທີ 04 ຂອງຄະນະເລຂາທິການສູນກາງພັກ ວ່າດ້ວຍການເກັບກຳສະພາບແນວຄິດ-ຫາງສຽງສັງຄົມ ໃນໄລຍະໄໝ່ ແລະ ເອກະສານຄຳແນະນຳຂອງຄະນະໂຄສະນາອົບ ຮົມສູນກາງພັກ ເລກທີ 08 ແລະ ບັນດາເອກະສານອື່ນໆ ທີ່ເຫັນວ່າມີສ່ວນພົວພັນກັບວຽກງານແນວຄິດ ເພື່ອເປັນທິດທາງ, ເປັນບ່ອນອີງໃນການຈັດຕັ້ງປະຕິບັດ. ເຊິ່ງແມ່ນເນື້ອໃນຈິດໃຈ ທີ່ຢາກໃຫ້ພວກສະຫາຍກຳໄດ້ຄືແນວນັ້ນ.

 

ຂ່າວ ແລະ ພາບ: ຫ້ອງການໂຄສະນາອົບຮົມເມືອງສາມັກຄີໄຊ.