ປະກົດການຫຍໍ້ທໍ້ບັນຫາຢາເສບຕິດທີ່ເມືອງສາມັກຄີໄຊ ແຂວງອັດຕະປື

      ໃນຊ່ວງໄລຍະເດືອນພືດສະພາປີ 2018 ທີ່ຜ່ານມາ ພະແນກຕຳຫຼວດກອງບັນຊາການ ປກສ ເມືອງສາມັກຄີໄຊ ແຂວງອັດຕະປື ໄດ້ເອົາໃຈໃສ່ແກ້ໄຂປະກົດການຫຍໍ້ທໍ້ທີ່ເກີດຂື້ນໃນສັງຄົມ ເປັນຕົ້ນແມ່ນບັນຫາຄ້າ-ຂາຍຢາເສບຕິດ, ມົ້ວສຸມຢາເສບຕິດ, ຂີ້ລັກງັດແງະ, ຂັບຂີ່ຍານພະຫານະບໍ່ຖືກຕ້ອງ, ການຈັດສັນຄວາມເປັນລະບຽບຮຽບຮ້ອຍຕາມທ້ອງຖະໜົນຫຼວງ ແລະ ບັນຫາອື່ນໆ ທີ່ເປັນປະກົດການຫຍໍ້ທໍໍ້ໃນສັງຄົມ ໃນນັ້ນ, ເດັ່ນກວ່າໝູ່ແມ່ນສາມາດທັບມ້າງກຸ່ມຄ້າ-ຂາຍຢາເສບຕິດ ປະເພດຢາບ້າ ໄດ້ທັງໝົດ 4 ຄະດີ ປະກອບມີ:

ໃນຄັ້ງວັນທີ 17 ພືດສະພາ 2018 ໄດ້ທັບມ້າງຄະດີຄ້າ-ຂາຍຢາເສບຕິດ(ຢາບ້າ) ຢູ່ບ້ານກະຍື ເມືອງສາມັກຄີໄຊ ແຂວງອັດຕະປື ສາມາດກັກຕົວຜູ້ຖືກຫາ 1 ຄົນ ຊື່ທ້າວ ຫຳ ອາຍຸ 26 ປີ, ອາຊີບ ປະຊາຊົນ, ບ້ານສີວິໄລ ເມືອງສາມັກຄີໄຊ ແຂວງອັດຕະປື ພ້ອມດ້ວຍຂອງກາງຢາບ້າຈຳນວນ 19 ເມັດ. ຕໍ່ມາວັນທີ 18 ພຶດສະພາ 2018 ທາງເຈົ້າໜ້າທີ່ກໍໄດ້ສືບຕໍ່ທັບມ້າງກຸ່ມຄ້າຂາຍຢາເສບຕິດ(ຢາບ້າ) ເພິ່ມເຕີມອີກສາມາດກັກຕົວຜູ້ຖືກຫາຄື:

  • ທ້າວ ນ້ອຍ ອາຍຸ 36 ປີ, ອາຊີບ ວ່າງງານ, ບ້ານຕວຍ, ເມືອງໄຊເສດຖາ ແຂວງອັດຕະປື.
  • ນາງ ແຫຼ້ ອາຍຸ 30 ປີ, ອາຊີບ ວ່າງງານ, ບ້ານຕວຍ, ເມືອງໄຊເສດຖາ ແຂວງອັດຕະປື.
  • ທ້າວ ບຸດ ອາຍຸ 35 ປີ, ວ່າງງານ, ບ້ານຕວຍ, ເມືອງໄຊເສດຖາ ແຂວງອັດຕະປື.

      ພ້ອມກັບຂອງກາງຢາບ້າຈຳນວນ 30 ເມັດ.

     ຕົກມາຮອດວັນທີ 23.05.2018 ທາງພະແນກຕຳຫຼວດກໍໄດ້ສຶບຕໍ່ທັບມ້າງກຸ່ມເຄື່ອນໄຫວ ຄ້າ-ຂາຍຢາເສບຕິດທີ່ບ້ານທ່າຫີນ ເມືອງສາມັກຄິໄຊ ແຂວງອັດຕະປື ສາມາກັກຕົວຜູ້ຖືກຫາໄດ້ 1 ຄົນ ຊື່ທ້າວ ຫຼ້ານ້ອຍ, ອາຍຸ 19 ປີ, ອາຊີບວ່າງງານ, ບ້ານທ່າຫີນ ເມືອງສາມັກຄີໄຊ ແຂວງອັດຕະປື ພ້ອມຂອງກາງຢາບ້າ ຈໍານວນ 133 ເມັດ, ໂທລະສັບ ຢູນີເທວ 1 ໜ່ວຍ, ຕໍ່ມາວັນທີ 7 ມີຖຸນາ 2018 ທາງເຈົ້າໜ້າທີ່ໄດ້ສືບຕໍ່ແກ້ໄຂປະກົດການຫຍໍ້ທໍ້ທີ່ບ້ານໃຫຍ່ເຊກະໝານ ກັກຕົວຜູ້ຖືກຫາໄດ້ອີກ 1 ຄົນ, ຊື່ນາງ ຄຸນມີ, ອາຍຸ 23 ປີ, ອາຊີບວ່າງງານ, ບ້ານໃຫຍ່ເຊກະໝານ ເມືອງສາມັກຄີໄຊ ແຂວງອັດຕະປື ພ້ອມຂອງກາງຢາບ້າ 34 ເມັດ, ລົດຈັກ 1 ຄັນ, ເງິນສົດ 700,000 ກີບ.

e86b3fc8 4e3f 4323 a42b e65d2e72a5ee0f0781ff e5b5 4193 8a32 d87ebdc71520

     ຕໍ່ກັບຜຸ້ຖືກຫາທັງໝົດ, ປັດຈຸບັນເຈົ້າໜ້າທີ່ ພະແນກຕໍາຫຼວດ ກອງບັນຊາການ ປກສ ເມືອງສາມັກຄີໄຊ ໄດ້ມອບໃຫ້ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງອັດຕະປື ສືບຕໍ່ດຳເນີນການຕາມຂັ້ນຕອນຂອງກົດໝາຍ.

 

ຂອບໃຈແຫຼ່ງຂ່າວ: ປກສ ເມືອງສາມັກຄີໄຊ