ກອງປະຊຸມຜ່ານແຜນການຈຸ...


ອ່ານເພີ່ມ...

ກອງປະຊຸມວາງແຜນເຂດຈຸດ...


ອ່ານເພີ່ມ...

ການສະເຫຼີມສະຫຼອງວັນແ...


ອ່ານເພີ່ມ...

ການສະເຫຼີມສະຫຼອງວັນໂ...


ອ່ານເພີ່ມ...

ການໃຫ້ບໍລິການຂອງລັດວ...


ອ່ານເພີ່ມ...

ຄວາມຈິງເບື້ອງຫຼັງບັນ...

ເມື່ອວັນຈັນທີ 28 ພຶດສະພາ 2...


ອ່ານເພີ່ມ...

ປະກົດການຫຍໍ້ທໍ້ບັນຫາ...

ໃນຊ່ວງໄລຍະເດືອນພືດສະພາປີ...


ອ່ານເພີ່ມ...

ພິທີປາຖະກະຖາ ວັນໂທລະ...


ອ່ານເພີ່ມ...

ພີທີ ເປີດບັ້ນເຊື່ອມຊ...


ອ່ານເພີ່ມ...

ລັດຖະບັນຍັດ ຂອງປະທານ...


ອ່ານເພີ່ມ...
0123456789

ພີທີ ເປີດບັ້ນເຊື່ອມຊຶມມະຕິກອງປະຊຸມຄົບຄະນະບໍລິຫານສູນກາງພັກຄັ້ງທີ 5 ສະໄໝທີ x

         ວັນທີ 27 ກຸມພາ 2018 ນີ້ ຢູ່ສະໂມສອນຫ້ອງວ່າການປົກຄອງເມືອງ ສາມັກຄີໄຊ ໄດ້ຈັດພິທີເປີດບັ້ນເຊື່ອມຊືມເອກະສານ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 5 ສະໄໝທີ X ໃຫ້ພະນັກງານນຳ ພາ-ຄຸ້ມຄອງ ເມືອງ ສາມັກຄີໄຊ ຂຶ້ນຢ່າງເປັນທາງການ. ພາຍໃຕ້ການເປັນປະທານຂອງ ທ່ານ ແກ້ວຫຼ້າ ສຸດທິຈັກ ຮອງເລຂາພັກເມືອງ, ປະທານກວດກາພັກ-ລັດເມືອງ. ແລະ ມີບັນດາທ່ານ ຄະນະປະຈຳພັກເມືອງ, ກໍາມະການພັກເມືອງ, ຫົວໜ້າຫ້ອງການອ້ອມຂ້າງເມືອງ, ຄະນະກອງບັນຊາການ ປກຊ-ປກສ ເມືອງ ຕະຫຼອດຮອດພະນັກງານ-ສະມາຊິກພັກ, ພະນັກງານອາວຸໂສ-ບຳນານ, ເລຂາພັກບ້ານທົ່ວເມືອງເຂົ້າຮ່ວມ 73 ສະຫາຍ.

         ໃນພິທີ ທ່ານ ນາງ ວົງວີໄລ ຫຼວງອາໄພ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ ໄດ້ຂຶ້ນຜ່ານມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 5 ສະໄໝທີ X . ໂດຍທ່ານໄດ້ຍົກໃຫ້ເຫັນເຖິງຜົນຂອງການຈັດຕັ້ງປະຕິບັດ ແລະ ຜັນຂະຫຍາຍການເຊື່ອມຊຶມມະຕິກອງປະຊຸມໃຫຍ່ຄັ້ງທີ x ຂອງພັກ. ແລະ ສານຕໍ່ດ້ວຍບັ້ນດຳເນິນຊີວິດການເມືອງປັບປຸງປົວແປງພັກ, ເຊິ່ງເປັນເງື່ອນໄຂພື້ນຖານໃຫ້ແກ່ການຫັນປ່ຽນໄປສູ່ອັນໄໝ່ ທີ່ເລິກເຊິ່ງກວ່າເກົ່າ. ປະເທດຊາດພວກເຮົາ ສືບຕໍ່ມີສະຖຽນລະພາບທາງດ້ານການເມືອງອັນໜັກແໜ້ນ, ຄວາມສາມັກ ຄີປອງດອງເປັນປຶກແຜ່ນແໜ້ນໜາຂອງປະຊາຊົນລາວເຮົາ, ບັນດາຊັ້ນຄົນສືບຕໍ່ໄດ້ຮັບການປົກປັກຮັກສາ ແລະ ສ້າງ ສາປະເທດຊາດ ພ້ອມກັນເພີ່ມທະວີຄວາມສະຫງົບສຸກ ແລະ ຄວາມເປັນລະບຽບຮຽບຮ້ອຍໃນສັງຄົມ ຮັບປະກັນໄດ້ໂດຍພື້ນຖານ. ບົດບາດການນຳພາຂອງພັກໄດ້ຮັບການປັບປຸງ ແລະ ເພີ່ມທະວີຄວາມຮັບຜິດຊອບຫຼາຍຂຶ້ນ, ລະ ບົບການເມືອງໂດຍລວມ ສືບຕໍ່ໄດ້ຮັບການບູລະນະ ພ້ອມກັບການແກ້ໄຂຈຸດອ່ອນ-ຂໍ້ຄົງຄ້າງ ນັບທັງດ້ານເນື້ອໃນ ແລະ ແບບແຜນຂອງພະນັກງານນຳພາ-ຄຸ້ມຄອງ.

Capture3333

           ນອກຈາກນັ້ນ, ກໍ່ໄດ້ຕີລາຄາໃນສະພາວະການປ່ຽນແປງຕະຫຼອດເວລາ ໂດຍສະເພາະ ແມ່ນກາລະໂອກາດການຂະຫຍາຍຕົວການຮ່ວມມືລະຫວ່າງປະເທດ, ນັບທັງ ສປປ ລາວ ພວກເຮົາກໍມີເງື່ອນໄຂ ແລະ ກາລະໂອກາດທີ່ເກີດຂື້ນຈາກການລິເລີ່ມ ໜຶ່ງແລວໜຶ່ງເສັ້ນທາງ ຂອງ ສປ ຈີນ ສຳລັບຕໍ່ພາກພື້ນອາຊີຕາເວັນອອກສ່ຽງໃຕ້.

         ຂ່າວຍັງໃຫ້ຮູ້ຕື່ມອີກວ່າ: ພິທີຍັງໄດ້ຮັບຟັງການຜ່ານເອກະສານ ມະຕິຂອງຄະນະບໍລິຫານງານສູນກາງພັກ ເລກທີ 26/ຄບສພ ກ່ຽວກັບວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໄໝ່ ຈາກທ່ານ ນະໂມ ຫໍ້ກິນນະວົງ ຮອງຫົວໜ້າຫ້ອງການ ຊັບພະຍາກອນທຳມະຊາດ ແລະ ສີ່ງແວດລ້ອມເມືອງ ແລະ ເອກະສານສົ່ງເສີມວິສາຫະກິດຂະໜາດນ້ອຍ-ຂະໜາດກາງ ຈາກທ່ານ ຄໍາສະຫວ່າງ ທອງປະເສີດ ວ່າການແທນຫົວໜ້າຫ້ອງການ ອຸດສາຫະກໍາແລະ ການຄ້າເມືອງຕື່ມອີກ.

Capture2121

           ສຸດທ້າຍ ທ່ານປະທານກອງປະຊຸມ ກໍ່ໄດ້ເນັ້ນໜັກຮຽກຮ້ອງໃຫ້ພະນັກງານນໍາພາ-ຄຸ້ມຄອງ ກຳໄດ້ບັນດາ 3 ເອກະສານດັ່ງກ່າວນີ້:

  1. ພາຍຫຼັງໄດ້ຄົ້ນຄວ້າລະອຽດແລ້ວ ຕ້ອງໄດ້ທົບທວນຄືນເບີ່ງວ່າ: ສະພາບການຈັດຕັ້ງປະຕິບັດໃນໄລຍະທີ່ຜ່ານມາຂອງສະມາຊິກພັກ, ພະນັກງານ-ລັດຖະກອນ, ປະຊາຊົນບັນດາເຜົ່າຢູ່ຮາກຖານບ້ານ ໃນຂອບເຂດຄວາມຮັບຜິດ ຊອບຂອງຕົນ, ເຮັດໄດ້ດີ ຫຼື ບໍ່? ຊ້ວງນີ້ເດ ການຈັດຕັ້ງປະຕິບັດຖືກຕາມແນວທາງຂອງພັກແລ້ວບໍ ຫຼື ບໍ່ຖືກ ແລະ ຄວນຈະແກ້ໄຂຄືແນວໃດ? ຈະໃຊ້ທິດສະດີ ໃຫ້ເກີດມີພຶດຕິກຳຕົວຈີງໄດ້ແນວໃດ ເພື່ອຈະເວົ້າໄດ້ວ່າ: ທິດສະດີຄຽງຄູ່ກັບພຶດຕິກຳ.
  2. ຕ້ອງໄດ້ເອົາໃຈໃສ່ຢ່າງເປັນເຈົ້າການ ຊ່ວຍຄະນະພັກຂັ້ນເທິງໃນການຕິດຕາມ, ກວດກາ ທີ່ມີຕໍ່ການນຳພາຂອງພັກ ແລະ ການຄຸ້ມຄອງລັດ-ຄຸ້ມຄອງສັງຄົມໃຫ້ເລິກເຊິ່ງ; ເພີ່ມທະວີຄວາມຊັດເຈນໃນການອະທິບາຍ ຕອບແກ້ບັນຫາຕ່າງໆທີ່ສັງຄົມມີຄວາມສົນໃຈ; ຍົກລະດັບຄວາມສາມາດໃນການຕອບແກ້ກົນອຸບາຍຫັນປ່ຽນໂດຍສັນຕິ ແລະ ການມ້າງເພທຳລາຍຂອງອິດທິກຳລັງປໍລະປັກຢ່າງທັນການ. ຕ້ອງເຂົ້າໃຈວ່າ: ‘‘ວຽກນີ້ບໍ່ແມ່ນວຽກຂອງຜູ້ໃດຜູ້ໜື່ງ, ບໍ່ແມ່ນວຽກຂອງໂຄສະນາອົບຮົມ ພຽງຢ່າງດຽວ ແຕ່ມັນແມ່ນຄວາມຮັບຜິດຊອບໂດຍກົງ ຂອງຄະນະພັກພວກເຮົາທຸກຂັ້ນ.’’
  3. ຕ້ອງເພີ່ມທະວີຄວາມຮັບຜິດຊອບ ແລະ ເປັນເຈົ້າການຂອງຖັນແຖວພະນັກງານ, ສະມາຊິກພັກ ແລະ ປະຊາ ຊົນບັນດາເຜົ່າ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ x ຂອງພັກ ກໍຄືແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ຂອງລັດ ແຕ່ປີ 2016-2020 ໃຫ້ປະກົດຜົນເປັນຈີງ.

 ຂ່າວ: ທ່ານ ນິຄົມ ພົມມະຈັນ.