ການສະເຫຼີມສະຫຼອງວັນແມ່ຍິງສາກັນ ຄົບຮອບ 108 ປີ

       ໃນຕອນເຊົ້າຂອງ ວັນທີ 7 ມີນາ 2018 ທີ່ເດີ່ນຫ້ອງວ່າການປົກຄອງແຂວງ ໄດ້ມີກິດຈະກຳຍ່າງ ແລະ ເຕັ້ນເພື່ອສຸຂະພາບ ເພື່ອສະເຫຼີມສະຫຼອງວັນທີ 8 ເດືອນ 3 ຄົບຮອບ 108 ປີ.

     ທ່ານ ນາງ ມີນາພອນ ໄຊສົມພູ ຄະນະປະຈຳພັກແຂວງ, ຄະນະຈັດຕັ້ງແຂວງ, ຜູ້ຊີ້ນຳອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ ຂຶ້ນກ່າວບົດປາໃສກ່ຽວກັບປະຫວັດສາດວັນສ້າງຕັ້ງວັນແມ່ຍິງ ຄົບຮອບ 108 ​ປີ ແລະ ການຢຸດຕິຄວາມຮຸນແຮງ ຕໍ່ຜູ້ຍິງ ແລະ ເດັກນ້ອຍ.

42507380 a107 48f8 b4bf d8b2d9c47df1

    ນອກຈາກນັ້ນ, ເພື່ອເປັນການສະເຫຼີມສະຫຼອງວັນສຳຄັນດັ່ງກ່າວ ໄດ້ມີການຈັດຂະບວນການຢ່າງເພື່ອສຸຂະພາບ ໂດຍມີພະນັກງານການນຳ, ພະນັກງານບຳນານ, ພະນັກງານ-ລັດຖະກອນ ຕະຫຼອດຮອດພໍ່ແມ່ປະຊາຊົນບ້ານເທດສະບານ ເຊິ່ງໄດ້ເລີ່ມຍ່າງແຕ່ເສັ້ນທາງ 4 ແຍກຫ້ອງວ່າການປົກຄອງແຂວງຫາເສັ້ນທາງ 4 ແຍກມະຫາໄຊ ຫາເສັ້ນທາງ 4 ແຍກຕະຫຼາດນັດ ເພື່ອໃຫ້ມີບັນຍາການຟົດຟື້ນ ຍັງໄດ້ມີຂະບວນການເຕັ້ນແອໂລບິກ 10 ຈັ່ງຫວະ, ເຕັ້ນບາສະຫຼົບ... ພາຍໃນເຕັມໄປດ້ວຍຄວາມເບີກບານມ່ວນຊື່ນ ຈາກພາກສ່ວນຕ່າງໆທີ່ໄດ້ເຂົ້າຮ່ວມ.

282ad8fe 2072 4894 addb ad6e3af2bcfd

ເກັບຂ່າວ: ສ້ອຍມະນີ